Nallajati nippukanika Sojourner Truth, Ramadevi Chelluru

100.00

In stock

Nallajati nippukanika Sojourner Truth, Ramadevi Chelluru

Category:

Nallajati nippukanika Sojourner Truth, Ramadevi Chelluru, 130 pp, Rs. 100
Sojourner Truth was an African American evangelist, abolitionist, women’s rights activist and author who lived a miserable life as a slave, serving several masters throughout New York before escaping to freedom in 1826. This is the story of her life and amazing struggle when she helped blacks escape to freedom on the Underground Railroad.
Ramadevi Chelluru is a home-maker and a writer. She earlier wrote a biography of Hitler.

Telugu

నల్లజాతి నిప్పు కణిక -సొజర్నర్ ట్రూత్, 2015, రచయిత రమాదేవి చేలూరు, (జీవిత చరిత్ర) 130 పేజీలు, వెల-100/-

నల్లజాతిలో పుట్టిన రత్నాలు, వారి జీవిత కధలు ఈ ప్రపంచానికి రుచి చూపించి, నేర్పించిన అనుభవాల పరంపర ఎంత గాఢమైనదో, ఎంత సాంద్రమైనదో ప్రత్యేకంగా చెప్పాల్సిన పనిలేదు. నల్లజాతి బానిస మహిళగా పుట్టిన ట్రూత్ సాగించిన ఈ యుద్ధం బానిసత్వ నిర్మూలనతో ఆగలేదు. ఇది చాలా విసృతమైనది.  తొలితరం స్త్రీల  హక్కుల ఉద్యమకారిణిగా, జైళ్ల సంస్కరణల నుంచి, ఆస్తి హక్కుల నుంచి, ఓటు హక్కుల వరకూ నేటి ఆధునిక రాజకీయ వ్యవస్థల మీదా, పోరాట రూపాల మీదా అమె ముద్ర బలంగా ఉంది. అందుకే ప్రపంచం ఇప్పుడు ట్రూత్ జీవితాన్ని కథలు కథలుగా చెప్పుకుంటోంది. ఆమె జీవితంపై పాటలు, సినిమాలు, నాటకాలు పిల్లల పుస్తకాలు, పాఠ్యాంశాలు అసంఖ్యాకంగా ఎందుకు వచ్హాయో ఈ పుస్తకం చదివితే మనకు బోధపడుతుంది.

రచయిత : రమాదేవి చేలూరు,   అనువాదకురాలు, రచయిత.

Average Rating

5.00

01
( 1 Review )
5 Star
100%
4 Star
0%
3 Star
0%
2 Star
0%
1 Star
0%
Add a review

Your email address will not be published. Required fields are marked *

1 Review For This Product

  1. 01

    by Rama Sundari

    కొన్ని జీవిత చరిత్రలు చదువుతుంటే అందులో ఉన్న తీపికి కారణం ఆ పుస్తకం రాసిన రచయిత ప్రావీణ్యమా లేక ఆ చరిత్రకు సంబంధించిన మనిషి జీవనంలో ఉన్న గొప్పదనమా అనే సందేహం వస్తుంది. అసాధారణమైన బ్రతుకులను అక్షరాల కూర్పులోకి దించేటపుడు తప్పకుండా ఆ రచయిత అసంతృప్తికీ, అసౌకర్యానికి గురి అవుతాడు. ఎంత, ఎలా రాసి ఆ జీవితానికి పరిపూర్ణ న్యాయం చేకూర్చగలమో అనే మీమాంస తప్పకుండా కలుగుతుంది. అలాంటి ఇబ్బందే ‘నల్ల రాతి నిప్పు కణిక సొజర్నర్ ట్రూత్’ పుస్తకం రాసిన చేలూరి రమాదేవి తప్పకుండా పడి ఉంటారు.
    ‘నువ్వు స్త్రీవి కావు. స్త్రీలు ఇంత యధేచ్చగా, నిస్సంకోచంగా పురుషులతో బాటు తిరగలేరు. నువ్వు స్త్రీ అని నిరూపించుకోవాలంటే స్త్రీల ముందు నీ ఎదను ప్రదర్శించు’ అన్నశత్రువుల మాటలకు నిండుసభలో స్త్రీ పురుషలందరి ముందు తన ఎదను ప్రదర్శించి ‘దీని వలన స్త్రీగా నేను అవమానం పడటం లేదు. ఆ అవమానం మీదే’ అంటూ ఎద్దేవా చేసి వెళ్ళిన పందొమ్మిదవ శతాబ్దపు బానిసోద్యమకారిణి, నల్లజాతి మహిళ సొజర్నర్ ట్రూత్. ‘మీరు ప్రెసిడెంట్ కాక ముందు మీ పేరు వినలేదు’ అని అబ్రహాం లింకన్ తో అనగలిగి, ‘నేను ప్రెసిడెంట్ కాకముందే మీ గురించి విన్నాను’ అని ఆయన నుండి ప్రశంసలు అందుకోగలిగింది.
    స్త్రీల హక్కుల స్పృహను అసలైన అర్ధంలో గ్రహించిన మొదటి తరం స్త్రీ వాదిగా, అమెరికా సంయుక్త రాష్ట్రాలలో జరిగిన సివిల్ వార్లో యూనియన్ సైన్యానికి నైతిక మద్దతు ప్రకటించిన మానవతావాదిగా, బానిసత్వం నిషేదించిన తరువాత ఫ్రీ స్టేట్ లో జైళ్ళు, ఆసుపత్రుల నిర్వహణ బాధ్యత వహించిన సంస్కరణవాదిగా, విముక్తులైన నల్లజాతి వారికి భూమి కోసం అడిగిన ఉద్యమకారిణిగా, చదవటం రాయటం రాకుండానే ‘నేరేటివ్ ఆఫ్ సొజర్నల్ ట్రూత్ – ఏ నార్తన్ స్లేవ్’ అనే పుస్తకానికి రచయిత్రిగా – ఆమె తన ఇరవై ఏడో ఏట నుండి మరణించే వరకు (85 వ ఏట) బహుదిశ ప్రయాణాలు చేసింది. ఎక్కడ అణచివేత ఘనీభవించి ఉందో అక్కడకు పరుగులు తీసింది.
    1826లోనే ముందుగా ఆమెకు లభించిన స్వేచ్ఛను అప్పటికింకా విముక్తి కానీ తన తోటి నల్ల జాతి ప్రజల కోసమే అంకితం చేసింది. బాధాకర వైయుక్తిక అనుభవాలు ఆమెను కుటుంబం నుండి బయట వేసి విశాల ప్రపంచానికి పరిచయం చేశాయి. అయితే ఈ రూపాంతరం మొదట ప్రాధమికంగా (మత ప్రచారకురాలిగా) మొదలై సొంత అనుభవాలతో పరిణితి చెంది సొగసైన రూపం తీసుకొన్నది. మత ప్రచారకురాలిగా ఆమెకు కలిగిన చేదు అనుభవాలను అంత కంటే ఉన్నతమైన దారులు వెదుక్కోవటానికి ఉపయోగించుకొన్నది కానీ భయపడి వెనకడుగు వేయలేదు. దేవుడొక్కడే తన కష్టాలు గట్టెక్కించగలడనే చిన్నప్పటి నమ్మకం నుండి బయట పడి నల్ల ప్రజల విముక్తికి తామే నడుం కట్టాలనే వరకు వెళ్లగలిగింది. తన కొడుకు కోసం మొదలు పెట్టిన పోరాటాన్నినల్ల జాతి విముక్తి దాకా కొనసాగించింది.
    ‘సొజర్నర్ ట్రూత్’ అని పిలవబడే ఈ కధానాయకురాలి అసలు పేరు ఇసాబెల్లి. సొజర్నర్ (సంచారిణి) పేరుతో ఆమె సంచారం అమెరికా ఖండంలో ఒక రాష్ట్రం నుండి ఇంకో రాష్ట్రానికి, ఒక సమస్య నుండి మరొక సమస్యకు జరిగింది. ఆ సంచారం ఒక ‘ట్రూత్’ (వాస్తవం) కోసం అన్వేషణే. ఆమె చేసిన ఇతర పోరాటాలు అన్నీ ఒకెత్తు అయితే బానిసోద్యమకారిణిగా ఆమె పడిన కష్టం, చేసిన సాహసం ఇంకొక ఎత్తు.
    బానిసత్వం నుదురు రాత కాదు, మానవుల స్వార్ధ దుండగం అనే స్పృహ కలిగించటానికి ఆమె తిరగని ప్రాంతం లేదు. దక్షిణ రాష్ట్రాల నుండి ‘అండర్ రైలు మార్గం’ ద్వారా బానిసలను కెనడాకు తరలించటం అంటే ప్రాణాలను ఫణంగా పెట్టటమే. నిజానికి అది రైలు మార్గం కాదు, రహస్య పద్దతుల తరలింపు మార్గం. ఆ కార్యంలో ఇతరులతో బాటు ఆమె అహోరాత్రులు పాలు పంచుకొన్నది.
    చికాగో లైబ్రరీ నుండీ చేలూరి రమాదేవి ఈ వీరగాధను బయటకు తీయనట్లయితే నల్లజాతి ప్రజలు గడిపిన వేదనభరితమైన దుర్భర జీవితం పుస్తకాల్లో కేవలం కరుణరసంతో తొట్టి పడుతూ, కళ్లనీళ్ళు తెప్పిస్తూ కాగితాలు తడిపి వేసే పని మాత్రమే చేసేది. వారి దుఃఖం పురుష వాహిక ద్వారా మాత్రమే తెలిసి ఆనాటి నల్లజాతి తల్లులు పడిన కడుపుకోతకు సరియైన వ్యక్తీకరణ ఉండేది కాదు. పందొమ్మిదవ శతాబ్దంలో ప్రపంచంలో అట్టడుగు వర్గానికీ, జెండరుకూ చెందిన నల్ల జాతి మహిళ ‘సొజర్నర్ ట్రూత్’ తెల్ల జాతి మీద ప్రకటించిన ధిక్కారానికి తెలుగు పాఠకలోకంలో వెలుగు పడేది కాదు.
    స్ట్రీట్ కారులో ఆమెకు జరిగిన అవమానానికి ప్రతీకారం తీర్చుకోవటం దగ్గర నుండి ఓటుహక్కు పొందే దాకా .. బానిసల ఉల్లాసాన్నీ సొంత ఆలోచననూ భరించలేని దౌర్జన్యాన్ని ఎదిరించటం దగ్గరనుండి యజమానుల చేతితో అమ్ముడైన తన కొడుకుని తిరిగి పొందటం వరకూ ఆమె చేసిన అలుపెరుగని పోరాట వివరాలు మన దరిదాపులకు కూడా చేరేవి కాదు. 1993లో మహిళామార్గం ప్రచురించిన ‘నల్ల జాతి నిప్పు కణిక సొజర్నర్ ట్రూత్’ పుస్తకాన్ని హెచ్ బి టీ పునర్ముద్రించింది.
    ఈ పుస్తకం కింద లింక్ లో దొరుకుతుంది

Main Menu

Nallajati nippukanika Sojourner Truth, Ramadevi Chelluru

100.00

Add to Cart